Një ndryshim i madh po vjen në Facebook Messenger

Rrjeti social është duke planifikuar që të prezantojë reklamat në aplikacionin Facebook Messenger në tremujorin e dytë të këtij viti, thuhet sipas një dokumenti të zbuluar nga TechCrunch.

Sipas këtij dokumenti, bizneset do të jenë në gjendje që të dërgojnë reklamat si mesazhe tek përdoruesit e Facebook të cilët iu kanë shkruar atyre më parë, transmeton Gazeta Express.

Duke folur për TechCrunch, Facebook tha se nuk i komenton thashethemet ose spekulimet. 

Megjithatë, rrjeti social tha: 
“Qëllimi ynë me Messenger është që të krijojmë kualitet të lartë, për të sjellë një eksperiencë më të mirë për 800 milionë njerëz rreth botës”.