Nuk do të besoni se nga e ka Stallone dukjen karakteristike dhe zërin (Foto)

Sylvester Stallone është një prej legjendave më të mëdha të filmit, i njohur edhe për dukjen karakteristike të fytyrës dhe të folurit e ngadaltë.

Ai ka lindur në New York, nga një baba italian dhe nënë me origjinë franceze dhe ukrainase.

Komplikimet që përjetoi nëna e tij gjatë lindjes, i detyruan mjekët që të intervenonin, mirëpo gjatë ndërhyrjes së tyre ia dëmtuan një nerv aktorit duke shkaktuar paralizë në pjesë të fytyrës së tij, njofton Telegrafi.

Si rezultat i kësaj, pjesa e poshtme e anës së majtë të fytyrës është e paralizuar – duke përfshirë pjesë të buzës, gjuhës dhe mollëzës.

Ky aksident i ka dhënë Stallones dukjen e tij karakteristike (me lëvizje të njëanshme të mimikës) dhe me të folur të ngadalshëm dhe shqiptim jo aq të qartë të fjalëve.