Vrau gjithë familjen shkaku i stilit të flokëve të djalit

Një burrë në Rusi e ka pranuar para trupit gjykues se e ka vrarë gruan shtatëzënë, gjashtë fëmijët dhe nënën e tij pas një polemike që kishte me ta për stilin e flokëve të djalit të tij.

Oleg Belov e ka pranuar se ka vrarë gjithë familjen e tij vetëm për shkak të sherrit për stilin e flokëve të 6-vjeçar, transmeton Klan Kosova.

Ai i tha gjykatës se gruaja e tij Yulia dëshironte të divorcohej me të e për këtë shkak ia preu flokët djalit në atë mënyrë.

“Ajo ia kishte prerë flokët si një papagall. E pyeta atë nëse po bënte shaka ose çfarë?”.

“Tentova ta marr makinën e flokëve, por menjëherë filloi sherri”, u shpreh Belov.

Ai u shpreh se e kishte goditur gruan e tij dy herë përpara se ajo të shkonte të kërkonte ndihmë.

Belov e ndoqi atë dhe e vrau me sëpatë përpara se të kthehej  t’i vriste fëmijët.

Pasi vrau fëmijët ai shkoi në shtëpinë e nënës së tij 73 vjeçare dhe e goditi 21 herë me thikë.

Sipas medieve ruse Belov rrezikon burgun e përjetshëm.