Ndahet nga e shoqja, dhuron unazën e diamantit për një çift tjetër

Një djalë nga Australia ka përdorur rrjetet sociale për të të dhuruar unazën prej diamanti, pas ndarjes me gruan e tij. Ai nuk ka dashur që të bëjë publik emrin e tij, por ka vendosur të dhurojë unazën për çiftin që e meriton. 20-vjeçari nga Sidnei tha se dëshironte që unaza të shkonte në një shtëpi të mirë dhe të bënte një çift të lumtur.
“Kjo është një unazë e bukur dhe unë dëshiroj që ajo të sjellë lumturi dhe gëzim. Marrëdhënia ime mori fund, ne po ecnim në drejtime të ndryshme dhe nuk ishim të lumtur. Unë e mora vendimin për t’i dhënë fund lidhjes sonë për lumturinë e secilit dhe për një të ardhme më të mirë”, tha ai.
Më tej ai shtoi se kurrë nuk donte ta shiste unazën e tij. “Unë kam vendosur që ta dhuroj unazën time të martesës. Kam dëgjuar vetëm histori të tmerrshme të njerëzve që përpiqen të shesin unazën dhe që fyhen nga oferta qesharake”, është shprehur ai.