Stjuardesat përleshen në 11 mijë metra lartësi – ja çfarë bëri piloti!

Në fluturimin 2598 të Delta Airlines i cili po udhëtonte nga Los Angeles për në Minneapolis ka pasur një përleshje fizike në mes të dy stjuardesave.

Aeroplani që po fluturonte për në Minneapolis ishte detyruar të ulej në Salt Lake City, në mënyrë që stjuardesat që ishin zënë të largoheshin, transmeton Telegrafi.

Në Salt Lake City, aeroplani kishte qëndruar rreth 80 minuta, ndërsa u gjet një zëvendësim për stjuardesat e përfshira në konflikt, dhe aeroplani në Mineapolis kishte mbërritur 75 minuta me vonesë.

Grindja dhe më pas përleshja kishte ndodhur 40 minuta pas nisjes së aeroplanit. Ato ishin përleshur rreth çështjeve të shpërndarjes, përleshje që kishte arritur maksimumin derisa aeroplani gjendej në 11,000 metra lartësi.

Stjuardesa e tretë, e cila kishte tentuar t’i ndante, ishte goditur në fytyrë.