Momenti kur 23-vjeçarja nga Tirana u vë flakën 4 makinave (VIDEO)

Është publikuar për herë të parë video e cila tregon momentet kur Desara Mancellari i ka vënë flakën katër makinave të babait të të dashurit të saj, Filip Papajani.

Në videon e publikuar nga “Tv Klan”, tregohet momenti se si Desara Mancellari ka lyer në fillim me benzine njërën prej makinave dhe pastaj i ka vendosur flakën .

Por pastaj të katërta janë shkrumbuar.

Ngjarja ndodhi më datë 1 Prill në orët e para të mëngjesit. Vajza e cila shihet me kapuç në kokë, dhe me çantë shpine, pasi kishte shkuar në shtëpi i kishte futur të gjitha rrobat në lavatriçe për të larë, pasi i mbanin era benzinë.

“Pas identifikimit është bërë ndalimi i shtetases Desara Mancellari, 23 vjeç, banuese në Tiranë” ­njofton policia. Në cilësinë e provës materiale janë sekuestruar veshjet e saj në momentin që ka kryer këtë veprim të kundraligjshëm.