Cilat janë gjasat e Shqipërisë?

Shorti për fazën grupore të ‘Euro 2016’, e nxori Shqipërinë në Grupin A, përballë skuadrave, si Zvicra, Franca dhe Rumania.

Dhe tashmë kanë nisur kalkulimet nëse Kombëtarja Kuqezi do të arrijë të befasojë sërish në verën e ardhshme.

Kujtojmë që askush nuk e parashikoi pjesëmarrjen e Shqipërisë në Francë, natyrisht pos shqiptarëve, dhe kjo përfaqësuese i befasoi të gjithë duke arritur që ta merrte vizën për në Evropian.

Grupi është shumë i vështirë, porse gjasat e Shqipërisë për të kaluar në fazën e eliminimit direkt janë shumë reale.

Kjo për faktin se dy ekipet që zënë vendet e para në grupe kualifikohen drejtpërdrejtë, ndërsa katër vendet e treta që kanë renditje më të mirë, vazhdojnë më tej.