Në mbrojtje të rinisë nga mashtrues në emër të fesë

Bota Sot | 11.12.2015 18:48 • Shkelzen Marevci

Mashtrimet e rinisë - islami dhe terrorizmi

Mashtrimi apo manipulimi i rinisë pa dyshim është një çështje që pa dyshim na shqetëson të gjithëve. Thënë ndryshe, ky problem e shqetëson çdo njeri i cili është në gjendje normale psikike. Fenomeni antinjerëzorë i quajtur ndryshe terrorizëm, ka sfiduar të gjitha shtetet në mbar botën pa i lënë së sfiduari edhe shtetet më të fuqishme. Terrorizmi një krim makabër, i cili ka për qëllim realizimin e qëllimeve politike nëpërmjet dhunës dhe gjakderdhjes, duke futë frik dhe panik tek masa, është futur thellë në kokat e çdo individi, shoqërie, shteti dhe kështu është bërë problemi kryesor për organet e sigurisë, për shoqërinë, familjen e në veçanti për të rinjtë tanë. Sot jemi dëshmitar, që rinia është duke jetuar në një mjegull nga e cila janë duke përfituar mashtruesit dhe manipuluesit në emër të fesë Islame.

Indoktrinimi

Indoktrinimi dhe keqinterpretimet e fesë, sot janë duke shërbyer për bazament mbi të cilin krijohen grupe dhe organizata me prirje radikale dhe si rrjedhojë bëjnë akte terroriste në emër të Islamit.