Shqipëri – Zvicër, fillon nxehja e parandeshjes

Ndeshja kundër Shqipërisë dhe Zvicrës cilësohet si ndeshje e nervave, duke qenë edhe loja e pare për këto dy skuadra në kampionatin evropian “Francë 2016”.

Edhe pse ndeshja do të zhvillohet më 11 qershor, që nga tash mediat e të dyja shteteve kanë filluar “nxehjet” e para ndeshjes.

Kjo për faktin se Zvicra ka gjashtë lojtarë më rrënjë shqiptare, ndërsa Shqipëria ka dhjetë lojtarë, të cilët janë rritur dhe zhvilluar si futbollist në Zvicër. Këtë ndeshje edhe më interesante do ta bëjnë përballja e parë e dy vëllezërve Xhaka për dy kombëtare të ndryshme, ku luajnë Taulanti për Shqipëri dhe Graniti për Zvicër.

“Është dueli “Atdheu kundër atdheut”, pasi gjashtë shqiptarë luajnë në Zvicër ndërsa 10 lojtarë të kombëtares shqiptare janë rritur në Zvicër,” shkruan NZZ. Gazeta tjetër zvicerane “Blick” në numrin e djeshëm, faqen e parë i kushtohet Shqipërisë, duke kërkuar nga dy taborët që këtë përballje ta cilësojnë më shumë si një festë sportive.” Të dashur zviceran, të dashur shqiptarë, naa dhuroni një feste futbolli. Mos i hidhni benzinë zjarrit” shkruan Blick, transmeton “albinfo.ch”.

Deklarata të shumta deri më tash janë dhënë edhe nga shumë lojtarë të dy përfaqësueseve por që të gjithë kanë mesazhe të matura ku këtë ndeshje e vlerësojnë edhe si shumë emocionuese. Për përballjen Shqipëri – Zvicër ka folur edhe trajneri i Zvicrës, Vladimir Petkoviç, i cili në përfaqësuesen zvicerane mund të këtë 6 lojtarë shqiptarë, ndërsa vite më parë ai ishte edhe trajner i Lorik Canës tek Lazio e Romës. Për Canën ka thurur lavde duke thënë se është i vetmi lojtarë i kombëtares shqiptare që do ta kishte marrur në ekipin e tij.

“Kapiteni i kombëtares shqiptare, Lorik Cana ka luajtur për mua dhe kjo është edhe arsyeja se unë jam takuar shpesh më trajnerin e Shqipërisë, Gianni De Biasi. Cana do të ishte i vetmi lojtar i Shqipërisë se do të kishte një vend në ekipin tim”, ka thënë ai. Po ashtu Petkoviç ka folur edhe për përballjen e dy vëllezërve Xhaka në këtë ndeshje. “ Them sinqerisht se do të jetë shumë emocionuese”, ka shtuar ai.