Vrasësi i 2 vëllezërve: Vajza e Skënderit më tha “po” nga Anglia

Në tetor të këtij viti, Esat Dushaj kishte kërkuar falje në banesën e xhaxhait të vajzës me të cilën do të fejohej. Ai ka rrëfyer në Prokurori se vajza 19-vjeçarja e Skënder Shkambit i kishte thënë “Po” nga Anglia, por familja e saj nuk kishte pranuar.

Pasi mori përgjigje negative për t’u bërë dhëndër i familjes Shkambi, ai duket se ka dashur të qetësojë acarimin duke u tërhequr nga kërkesa.

Nuk dihet nëse ky veprim ka qënë i paramenduar për të ndjekur më pas hakmarrjen në 2 janar.

Në sallën e gjyqit, janë zbukuar fakte të reja. Prokuroria ka bërë të njohura dëshmi të autorit dhe familjarëve të viktimave Shkambi. Përballë fakteve dhe akuzës, Esat Dushaj ka shprehur vetëm pak fjalë. I veshur me antiplumb dhe i qetë në dukje, 31-vjeçari ka pranuar krimin e rëndë duke thënë: “Po, i kam vrarë vëllezërit Shkambi. Është diçka që e kam bërë dhe s’kam ç’të them tjetër.