E jashtëzakonshme: Sejdi Thaçi nga Klina, i zhdukur që 17 vjet, kthehet i gjallë në shtepi.

(E plotësuar) – Djali i vëllait të Sejdi Thaçit, i zhdukur në vitin 1999, Hysen Thaçi ka thënë ai është kthyer me 6 janar, pasi është zhdukur në Pejë pas rastit Panda.

“Kemi kërkuar përmes organizatave ë ndryshme, por nuk kemi informacione të ndryshme. Për fat të mirë personi është kthyer i gjallë, rreth orës 20:30. Gjendja e tij nuk është e mirë, as psiqikisht as fizikisht, nuk ka njohur ku ka gjeneruar apo kush e ka mbajtur, veç i kujtohet kur është arrestuar”, ka thënë Thaçi.

Ai ka thënë se gjendja e tij shëndetësore po ia pamundëson që të tregoj në detaje ku ka qëndruar, a ka të tjerë apo jo, meqë nuk mund të tregoj për një temë deri në fund. “Nuk mund të lidhet në tema deri në fund. Por ka ardhur përmes veriut të Mitrovicës. Edhe një person e përmend, por që ka vdekur para pesë muajve. Nuk mund të them se ka ende persona”, theksoi ai.

Ai tha se sot kanë njoftuar komisionin e të pagjeturve sepse më herët nuk kanë dashur ta bëjnë duke mos dashur që të tjerët të kenë shpresë.

***

Një lajm i jashtëzakonshëm vjen nga Klina. Sejdi Thaçi nga fshati Zajm të kësaj komune, i cili konsiderohej i zhdukur nga viti 1999, është kthyer i gjallë në shtëpi.

Familjarët kanë thënë se ai ishte marrë nga forcat serbe dhe mendonin se është vrarë, por i njëjti është kthyer në shtëpi para shtatë ditësh.

Sejdi Thaçi ishte marrë nga forcat serbe në janar të vitit 1999, ndërkohë që familjarët kanë deklaruar se gjendja e tij shëndetësore nuk është e mirë, raporton Klan Kosova.

Lidhur me këtë rast të gjithë janë shokuar por edhe janë habitur e gëzuar pasi një gjë e tillë është e vështirë të besohet.

Sidoqoftë, pritet që pak më vonë të jepen më shumë informacione në lidhje me këtë rast.